झा दौरा सुरुवालमा भोटो हेर्न गए

हिन्दीमा सपथ लिएर भारतभक्ति देखाउँदा जनताले विरोध गरेपछि भ्रष्ट न्यायाधिश परमानन्द झा उपराष्ट्रपतिका रुपमा कडा सुरक्षाका बीच मत्स्येन्द्रनाथको भोटो देखाउने जात्रा हेर्न गए । देशको पहिलो उपराष्ट्रपति भएर पदको सपथ लिँदा जात्रा गरेका झाले जनताले उनका हर्कत मन नपराएपछि लुरुक्क परेर नेपाली पोशाक दौरा सुरुवाल लगाएर गए । उनलाई जान पनि बहुत गारो पो भयो त । यत्र तत्र सडकमा उनलाई माफी माग्न र राजिनामा दिन दबाब पार्न जनताहरु राजिनामाको माग गर्दै नाराबाजी गरिरहेका थिए । झा उपस्थित भएकै कारण मत्स्येन्द्रनाथको जात्रामा पनि मानिसहरु परमानन्द झा भारतको दलाल भएको र उसले राजिनामा दिनुपर्छ भन्दै नारा लगाइरहेका थिए ।

मत्स्येन्द्रनाथको भोटो देखाउने जात्रामा विगत एक हजार वर्षदेखी राजा जाने परम्परामा राष्ट्रपति पहिलो पटक सहभागि भएका छन् । बिक्रम संवत ९५० को हाराहारीमा यो जात्रा सुरु भएको मानिन्छ । जात्रामा राजा जानुपर्ने परम्परा रहेकोमा गत वर्षप्रधानमन्त्री गिरिजाप्रसाद कोइराला गएका थिए । मत्स्येन्द्रनाथलाई वर्ष र सहकालका देवता मानिन्छ । राजा जात्रामा जान छाडेदेखि मुलुकमा अन्नको साथै बाढी संकट बढेको केही संस्कृतीविदले बताएका छन् ।

संविधान र कानुनमा भएको व्यवस्थालाई लत्याएर हिन्दीमा सपथ लिएका परमानन्द झा र भारतपरस्त झालाई जोगाउने उनकै दल मधेशी जनाधिकार फोरमका उपेन्द्र यादवको पुत्ला दिनभर देशका विभिन्न भागमा र्सवसाधारणले जलाएका छन् । मधेशी जनाधिकार फोरमको गठननै भारतीय भूमिमा भएको थियो भने फोरम त्यही पार्टी हो जसले भारतीय दूतावास पुगेर सरकारलाई मधेशका मागमा सहमत गराउन भारतको दबाब नेपाल सरकारलाई दिएको थियो । वास्तव मै मधेशी जनाधिकार फोरम देशद्रोही पार्टी हो । त्यस पार्टी कार्यकर्ता भै उपराष्ट्रपति भएका परमानन्दले आफु भारतीय एजेन्ट भएको प्रमाणित गराइसकेका छन् । उनले सहजै पद नछाडे पोलपोटलाई जस्तै कुटेर पद र मुलुकबाट बाहिर गर्नुपर्दछ ।